Skúlin á Giljanesi er skipaður sum ein tvísporaður skúli.

Í skúlanum á Giljanesi ganga næmingar úr triðja til tíggjunda flokk, umleið 280 næmingar. Á Giljanesi hava vit floksstovur, bólkarúm, førleikastovu, bókasavn, arbeiðsrúm til lærarar, fundarhøli, heilsusystir, skrivstovur, evningsstovu, tónleikastovu, handarbeiðsstovu, skúlakøk, ítrottarhøll, fimleikarhøll og alis/evnafrøðisstovu.

Skúlin er uppbygdur soleiðis, at 1.-2.flokkur húsast í Miðvági, 3. flokkur er við ítróttarhøllina. Miðdeildin (4.-6.flokkur) húsast á 1. hædd í nýggja skúlanum, og hádeildin (7.-10.flokkur) húsast á 2. hædd í nýggja skúlanum.

Á skúlanum starvast lærarar, vikarar, námsfrøðingar, hjálparfólk, skrivstovufólk, húsavørðar og vaskifólk, í alt umleið 50 fólk.