25.4.2024 |
Skúlin á Giljanesi verður umskipaður
Skúlastýrið og leiðsla skúlans hava saman tikið avgerð um, at komandi skúlaár 2024-2025 ganga 1.- 10. flokkur í skúlanum inni á Giljanesi. Sostatt fer allur skúlin at húsast á somu adressu komandi skúlaár.
Skúlin á Giljanesi hevur 4 skúlastovur tøkar við ítróttarhøllina, har 1.- 2. flokkur fara at ganga. Har er atgongd til fimleikarhøll, ítrottarhøll og køk.
Um 1. og 2. flokkur hava næmingar, sum skulu beinleiðis á Pallin á Giljanesi (sertilboð) kunnu hesir næmingar hava tilknýti til heimaflokkin, bæði sosialt og fakligt.
Við at samla allar flokkar á Giljanesi skulu næmingarnir bert innskúlast eina ferð.
Skúlin og kommunan eru komin ásamt um, hvørjar ábøtur skulu gerast á Giljanesi, bæði úti og inni. Eisini verður arbeitt við ferðsluviðurskiftunum.
Sostatt byrja 1. og 2. flokkur í skúlanum inni á Giljanesi eftir summarfrítíðina.